Thinlung Lalnu

    Ka hmaa thu ka thianpa thu chu ka thlir a, a kut kar atang chuan a bianga mittui luang chu hmuh hmaih rual a ni lo. Leng a min sawm chhan min hrilh hma hauh atang chuan ka thianpa chu a na a, chumi min hrilh tur chuan min sawm a ni tih a hriat mai theih a, a kun tlawk tlawk chhante chu eng dang vang ni lovin, a na a, a na ngawih ngawih a ni tih a chiang a. A ni, heti ang em em a ka thianpa a nat hi ka la hre ngai lova, hriat leh pawh ka chak hek lo.
    Kut vai meuh a ka chhungte ka thlah ni chu, ka pianna hmun, ka chhuan ve em em ka chhuahsanna ni chu. A ni, hemi ni hian thiamna vanga zirna run sang belin kawrvai karah ka liam a. ka nungchang mawi lai zawng zawngte (a awm ve a nih chuan) ka liampui dawn tih reng ka hre chang lo.
Chu hmuna thil thleng tur chu hre lawk thei i la chuan kumkhuaa kal lohva, mahni khaw lama zir zawm ka thlang ngei ang. Aw!, kan Driver khan lo hre lawk se, kal lo mai rawh ti se, he ti ang reng ren g hian ka awm lo tur.
    Zirna lamah chuan ka tluang leh fu a, khawtlang lunglen pawh a na lem lo. Hnam dangte mak tih khawp a tha a kan zirtirtute zawhna ka chhan thin nate chuan  ‘mahni inrintawkna’ min pe sauh sauh thin.
    Tlai khat chu hun dang ang lo takin ka Phone chu a ri ral ral a, ka pa chuan ka tana Chanchin Tha tluk hiala thu lawmawm chu a rawn thlen a, ka naupan laia ka nih chak thin ber ni thei turin ka in ziak tling a, Interview hmachhawn tura ka kal a ngaih thu mi rwn hrilh a. Aw, kha tih hun laia ka tana khawvel han mawi bikzia te kha aw. Khang hun laia ka lawmzia kha Dara te, VNT te, PLa te leh kan thu ziak mi tam tak hian an sawifiah thiam kher awm love. Amah Pu Rokunga ngei pawhin hril thiam hian a mawi love.
    Mahse, thla khat a liam meuh chuan ka pa, hmana ka tana Chanchin Tha min thlen tu bngei khan min hnem charh charh a. A ni, ka hria lawm, ka tana Khuanu ruat a ni ngai lo a lawm. Ka Train ka nang lova, chu a chhapah ka Flight min Cancel sak bawk a, mahse, a, ka tling lo a ni. Pawm har hle mahse ka pawm a tul si.Ka tling lo a ni.
    Hemi hnu a ka zirna pana ka chhuk leh chu a dang ta hle mai. Internet-ah Social Networking lam ka uar zel a, sualna lamah pawh hma ka sawn ta hle mai. Enge pawi!!?? Ka nih chak ber ka hloh tawh tlat a lawm le! Ka Online chhas(a hmain ka la nei ngai lo) nen kan inthen hnu phei chuan ka na ta deuh deuh mai. Ka chhungril natna chuan dam lam aiin zual lam a pan zel si. Ka rilru hrehawm lutuk chuan Internet lam ka uar zual zel a, a ruala mi pasarih pariat vel kawp te chu ngaiah ka lo nei ta, amaherawhchu cung zinga pakhat chu ka ‘Thinlung Lalnu’ a ni ang tih ka ring pha ngai lo.Lehkha zir aiin Phone-a chhas te biak a nuam a, Class lak aiin Facebook,Frenzo leh Orkut in rilru a luah bawk si. Hmuh theih khawpa ka zirna in a tuar thu leh pawisa ka heh thu chu ka dawng ta fo mai a. Chhuan lam chi hrang hrang siamin kan inawi fel mai thin a. A pawi ta ber zawk a chu ka ‘Thinlung Lalnu’ ka chan ta tih reng ka lo hre si lo.
        Midang biak ka thulh chuan loh avang chuan ka hre mai lo, ka Phone ka en chuan amah nena kan inbiakna hnuhnung ber chu a lo rei hle tawh tih ka hria a. Ka va biak pawh chuan engmah a sawi lo, tha deuh chuan min chhang a, rinhlelhna reng ka nei lo. Kan inbiak that vak loh hnu atang chuan hlauhthawnna tam tak ka nei a, min duh thu a sawi thin te chu vawi khat mah a sawi leh tawh ngai lo. Ka haw tur thu ka hrilh chuan amah tlawh chho turin min sawm a, hma lam hun tur hre lawk hek lo le, ka lo tlawh ang che chu ka ti ve mai a. Mahse an khaw bul ka thlen chuan thil a danglam ta. Chhungkaw harsatna avangin ka chawlh chu a rem ta tlat lo mai le. Tha takin ka hrilh a, engmah sawi buai ta lo chuan ka haw tlang ta a.
    World Cup lai a ni a, ka unaupa te inah a khawma en kan tum avangin ka leng a, inkhelh tan hma lawk chuan ka thiannu chu ka zuk bia a, a aw mawi takte chu a lo danglam ta hle mai a, sawi hreh deuh, sawi ngei duh si hi a nei tih ka hre mai a. A chhan ka zawhin sawi a harsat zual sauh sauh si. I hre thiam mai lovem ni a tih hnu chuan ka hrethiam tih sawi kher a ngai lo, ka hrethiam a lawm. Ka ngawi reng a, ka hmangaih, ka ‘Thinlung Lalnu’ ka chan thu chu amah ngeiin min hrilh ta. Ka Phone chu a tawp a, biak zel chu ka duh a mahse ka ti tawp. Ka benga Phone dah reng chuan ka ding ngawi reng a, a hmel pawh ka la hmuh loh, heti em em a ka duh hi a chhan ka hre lo, mahse, ka duh a. Ka hmangaih bawk a ni. Hei hi a ni thil dang zawng zawng aia ‘Hmangaihna’ danglamna chu. Chu tia ka din tak reng vang chuan ka unaupa chuan mi rawn hnaih a, fiamthu deuha a thil rawn sawi chuan min ti harh zawk a. Ka pangai leh mai dawn emaw la tih laiin chuan ka pangai lohzia chu a hre chiang ber ka ni ngei ang. Inkhel en chhung zawng chuan ka awm tlawk tlawk a. Engmah reng ka hre chang lo. Min biak ka chhang lova, a hriat pawh ka hre lo hrim hrim. Chhuatah chuan kan riak ho nghal a, a tuk zing ni chhuak eng mawi em em thin pawh chu ka tan chuan ka ‘Thinlung Lalnu’ ka chan atanga ni chhuak hmasa ber a lo ni ta.
    Mittui nen ni kan vui nitin ta mai a, duh ber then tluka na chu a awm lo reng a ni. Ka zirna hmun ka pan leh hnu chuan ka theihnghilh mai ka ring a, a hma lamin ka chhuk a, awmzia a nei thui lem lo. Khawvel thar ka mamawh tih ka hria a, khawvel thar din turin chakna reng ka nei si lo. Internet lam ka buaipui chhunzawm reng a, ka thian midangte erawh tha deuhin ka thlah thei ta. Ka tawrh ang tuar ve tak ang maw??
    Kan in thlah thei lo, ka be reng a, ani pawn min biak a thulh chuang lo. Inbe reng ta chu a ngaihzawng thar chuan a lo hre ve mai a, kan inbiak a rem tawh loh tur thu min hrilh chuan ka rilru a hahzia kha aw. Rei tak chhung chu kan inbe lova, amaherawh chu inbiak zeuh zeuh chu kan nei thin. Vawi khat a bialpa bula a awm laia ka han biak tum phei chuan fu lo ve tak a ni.
    Zan khat chu aman min rawn be leh a, chumi zan chuan thil tam tak min hrilh a. A bialpa chu then a duh thu a sawi a, AW!! A hmangaih theih loh thu a sawi laite kha koh kir theih nise!! Nunna hial pawh thao ngai se ka inhuam asin! Lee Ann Womack hla pahnih ‘The Fool’ tih leh ‘Tell My Heart (Dont Tell Me To Stop Loving You)’ a ngaihthlak thin thu min hrilh laia Womack hla tho ‘Just Someone I Used To Know’ hmanga ka rilru nilo pui a ka chhangte kha ka hre reng a nih loh vek pawhin ka theihnghilh mai mai lovang le. Khang hun lai khan, huaisenna nei ila, ka rilru dik tak lo sawi ta ni ila chuan, “Aw!! Duhthusam mai a ni! Ka hmangaih che asin!!” A mak ti raw, ka la hmu miah lova mahse ka hmangaih a ni.
        A sawi mawlh mawlh lai chuan ka thianpa chu ka va en a, a tahna avang a a mit sen rum leh a hrukna rawmawl eng zawr hnuang ka hmuh chuan hnem thei tur reng ka awm chuang lo. Zial ilo vel lei tur anga chhuanlam siamin ka kalsan a, a bulah chuan awm zel i la chuan ka tawrhpuina mittui a far ngei ang le. Rilru pangai tak pu chung ka let leh hnu chuan ka thianpa chu a thut dan ngai chiahin a lo la thu ta reng a. Ka bia a, min chhang lo. A hmingin ka kova, min chhang chuang lo. A in hnit faih faih ri ka hriat chu ka chhanna dawn awm chhu chu a ni mai a. Mahse ka dem lo, ka thianpa hi ka dem miah lo. A hmangaih a chan tlat.
    A sawi tur a sawi zo tawh nge zo lo pawh ka hre si lo. Ka nghak reng a, ani pawh chu nghah nei ni awm takin a ngawi reng mai si. Kan naupan laia kan tih thin dan angin lenpuiah ka sawm a, hetah hi chuan hnar theih a ni lo. A nui suk a, kan chhuak dun ta a. A tawng tlem hle mai a, hmana ka thianpa kha chu a ni tawh lo. A rul tawk chauhin min chhang a, biak luih pawh pawh a nuam chuang lo. Zanriah ei hun chuan an inah ka va thlah a, a chhungte chuan an lo en thap a, tihngaihna hriat loh lamah chuan in chhuang tur vak kan awm chuang lo. Ni dangah kan inhmu leh dawn nia tiin kan inthlah a.
    Zan khat chu ka thiannu chu ka han be leh a. Zan dang ang lo takin tap riin min lo chhawn a, a insum a mahse a insum zo lo. A chhan chu kan inhrilh thei ta hram a. A hmangaih theih ngai loh,  a hnua a hmangaih nen chuan an inthen a. A rilru a na a ni. Ka insum a, ka hmangaih ber chuan hmangaih dang a nei a, hlim tura ka duh em avangin engmah ka sawi lova, a hmangaih chuan hmangaih dang a lo nei ve leh si. Hmangaihna hi a lo mak a ni e.
    Kan inbe zui zel a, rei pawh a rial lo. Ka thinlung chhunga awm hmangaihna avang chuan ka mimal zahawmna zawng zawng paihthla in, a tana ka la awm thu ka hrilh ta. Hun a mamawh thu in min chhang a, ka tawrhna zawng zawng ka ngaihtuahin ka zawt nawn a. Hun pawh awm lovin kan inkawp leh ta. Kan hlim thei em em a, inhmuh hun kan nghakhlel dun hle thin. A chawlh leh ka chawlh a inrual avangin Aizawlah kan inhmu thei ta. Sawi tur kan van dun hle a, mahse kan hlim. Hemi ni hian hun kan nei tlem em em a. A zirna hmuna zin ka tum lawk pawh ka hrilh a. Aizawlah pawh vawi hnih khat chu kan inhmu a. Damlo kan dun nawmzia te kha aw!!! A zirna hmun thlengin kan chhuk dun a,chawlhkar khat vel ka cham a. Kan hlim. Mahse a thinlung chu midangin an luah nghet a, a theihnghilh thei lo tih pawh ka hria. Theihnghilh nan thla hnih chiah a la liam reng a ni.
    Kan la inkawp reng a, kan induh a kan nghet si lo, ka theihnghilh thei si lo. Ka nghak ang a, ka thihni thlengin ka nghak mai ang. Ka ‘Thinlung Lalnu’ a ni tlat si.

So here we stand
In our secret place
With a sound of the crowd
So far away
And you take my hand
And it feels like home
We both understand
It's where we belong

So how do I say?
Do I say goodbye?
We both have our dreams
We both wanna fly
So let's take tonight
To carry us through
The lonely times

I'll always look back
As I walk away
This memory
Will last for eternity
And all of our tears
Will be lost in the rain
When I've found my way
Back to your arms again
But until that day
You know you are
The queen of my heart

Queen of my heart


So let's take tonight
And never let go
While dancing we'll kiss
Like there's no tomorrow
As the stars sparkle down
Like a diamond ring
I'll treasure this moment
Till we meet again

But no matter how far
(Matter how far)
Or where you may be
(Where you may be)
I just close my eyes
(I just close my eyes)
And you're in my dreams
And there you will be
Until we meet

Oh yeah
You're the
Queen of my heart
(Of my heart)
No matter
How many years it takes
(Queen of my heart)
I'll give it all to you
Oh yeah
(Queen of my heart)
Oh yes you are
The queen of my heart